E kalter Frühgahrs-Schnee zieht übers Land.
Dos is doch aber wirklich allerhand:
De Krokus sei verschwunden!
E Haifel Schnee – do drunner wardn se sei,
die schneits nu lang zun fünften Mol su ei,
iech hob se net gefunden.
Es wattert schie seit Stunden,

Dor Gimpel hockt gedescht nabn seiner Fraa,
die beeden stärt dos Watter nämlich aah,
se finden nischt ze frassen.
De Amsel bratscht verlorn in Schwarzbeerstrauch,
se sehnt sich noch enn warme Frühgahrs-Hauch.
Se friert un hot indassen
ihr schienes Lied vergassen.

De Tulpen halten sich noch wing zerück,
of jeden Beet, do liegt dor Schnee ganz dick.
Wos könnt mor de dorkarten?
Mor kaa do aagntlich gar nischt wetter tu,
es is April, is Watter is halt su.
In Labn is wie in Garten
un manchmol hilft bluß – warten!

Monika Tietze